En Imprimetresde facemos deseño e  impresión 3D. Queres colaborar connosco e formar parte da marca I3D imprimetresde? 

Desde a nosa experiencia profesional (máis de dez anos traballando nos campos da arquitectura, o deseño gráfico e modelado 3D) as posibilidades que ofrece a impresión 3D parécennos absolutamente apaixoantes, todo un reto creativo. Os distintos materiais, as diferentes técnicas de impresión, a ampla gama de máquinas, desde as pequenas impresoras de uso doméstico ata os asombrosos aparatos que imprimen casas enteiras, todo é un reto.

Un reto ao futuro, a un futuro no que a tecnoloxía de impresión 3D permitirá a todo o mundo deseñar e crear produtos complexos.

Por todo isto, propoñémosche colaborar connosco. Se tes unha idea, un modelo 3d, un obxecto, que poda ter cabida na nosa tenda, achéganolo. Se nos gusta, se encaixa coa nosa creación, firmaremos un contrato de colaboración. O produto aparecerá na nosa web, citándote como autor da creación e levarás unha comisión por cada venda que se realice.