A impresión 3D é un grupo de tecnoloxías de fabricación por adición onde un obxecto tridimensional é creado mediante a superposición de capas sucesivas de material.

Cursos de impresión 3D e deseño.
A impresión 3D ou fabricación aditiva, consiste na creación de pezas a partir dun modelo 3D xerado con programas informáticos, sen ter que recorrer a moldes ou aparellos, mediante a deposición do material en capas e o seu posterior curado ou secado, mediante luz ultravioleta ou emisión de calor, dependendo do tipo de tecnoloxía.
As impresoras 3D son polo xeral máis rápidas, máis baratas e máis fáciles de usar que outras tecnoloxías de fabricación por adición, como consecuencia, aínda que, como calquera proceso industrial, están sometidas a un compromiso entre o seu prezo de adquisición e a tolerancia nas medidas dos obxectos producidos.

A impresión 3D ofrece aos desenvolvedores de produto a capacidade para imprimir partes e montaxes feitas de diversos materiais con diferentes propiedades físicas e mecánicas, a miúdo cun simple proceso de montaxe. As tecnoloxías avanzadas de impresión 3D poden ofrecer modelos que poden servir como prototipos de produto.

Cursos de impresión 3D e deseño tridimensional

Os cursos de imprimetresde.com ofrecen un primeiro contacto e posterior desenvolvemento á impresión 3D mediante tecnoloxía FDM (Fused Deposition Modeling) co obxectivo de obter unha visión xeral do abanico de tecnoloxías existentes, coñecer as máquinas e materiais máis usados, así como o software de modelado e impresión, descubrir as posibles aplicacións presentes e futuras e, en xeral, obter os fundamentos tecnolóxicos necesarios para introducirse na impresión 3D.