I3D Tech, a marca técnica de I3D – Deseño galego impreso en 3D, figurou como partner da 4ª edición do AI SONG CONTEST que se celebrou o pasado 4 de novembro na Cidade das TIC da Coruña. Para esta ocasión encargáronnos a impresión en 3D do corpóreo do logo AI SONG CONTEST en PLA branco e con medidas 218cm x 42 cm.

O Festival Mundial da Canción de Intelixencia Artificial, AI SONG CONTEST, celebrou a súa 4ª edición na Cidade das TIC da Coruña e á noite emitiuse en directo a gala da final pola canle online da RTVE, Rtve Play, desde o plató de Studio Follow. Ata alí viaxou tamén o corpóreo AI SONG CONTEST deseñado e impreso en 3D por I3D Tech. Vémolo aquí no centro do escenario.

Video completo: https://www.rtve.es/play/videos/eurovision/ai-song-contest-final-coruna/7004395/

O equipo PAMP! Galicia acadou o premio do público pola canción ca que concursaban, #Florespiña, en homenaxe a grande Ana Kiro e fíxoselles entrega da Serea de Castelao, deseño e impresión tamén de I3D.

Opening na Cidade das TIC.

Presentación do evento e intervención de autoridades:

O “making off” da entrega dos AI SONG CONTEST 2023:

Hai uns meses recibimos en I3D un encargo do máis particular e sobre todo orixinal. Da man do xenial artista multidisciplinar Paco Boluda, xenio da ilustración e artífice da posta en valor dunha das figuras máis descoñecidas da cultura galega, o Prisciliano da Gallaecia, recibimos a encomenda de modelar e fabricar unha escultura un tamaño considerábel a fin de recrear o máis fielmente a personaxe.

Prisciliano, ou o “Bispo Galego” por excelencia, cobraba de novo vida en papel, nas ilustracións de Boluda, e despois en tres dimensións grazas á tecnoloxía e dominio da escultura en 3d do obradoiro I3D – Imprimetresde.

Priscilano foi seguidor do gnosticismo, maniqueísmo, ascético e vexetariano. Despois duns anos de vida mundana comeza unha conversión á vida ascética e a predicar un cristianismo que negaba a existencia do misterio da Trindade e priorizaba o estudo dos textos sagrados. Os seus postulados son coñecidos como priscilianismo, e está claramente emparentado co gnosticismo relixioso.

Partimos das ilustracións realizadas por Boluda con gran detalle, onde se presenta a Prisciliano como un home de mediana idade con aspecto solemne, case místico. Roupas que o presentan como un home relixioso pero coa simboloxía propia da cultura Celta, a propia da Gallaecia da época.

Realizamos un esculpido dixital en base á documentación gráfica, realizando unha peza con marcado aspecto relixioso,

Nacía así de novo esta figura que orixinariamente habitara as nosas terras aló polo século I d.c., e que persoas como Paco Boluda pretenden dar a coñecer á unha gran maioría de xente á quen lles é totalmente descoñecido. Para iso, nada mellor que levalo físicamente con el alí onde o reclaman para falar desta figura histórica.

Así, I3D recreou un Prisciliano a tamaño 50cm de altura e impreso a unha cor en PLA granito gris.

Tras o lixado e a postproducción, fóiselle entregado a Boluda que se encargou de pintalo. O resultado, asombroso, é este:

Desde fai uns anos o fenómeno cosplay ten un gran aliado na impresión 3D.
Sempre un novo encargo ilusiona, pero sobre todo cando e unha peza tan impresionante como a que recibimos recentemente, destinada nada menos que para lucir por todo o alto como cosplay na Expotaku de A Coruña.

Cando recibimos o encargo de imprimir amorodos, patacas e grelos para o atrezzo de “Falar sen Cancelas” pensamos que en verdade o equipo de Culturactiva confiaba moito en nós! 😀 Mais, tendo xa feita unha máis que atinada reprodución dun queixo do país dixemos: por que non?

E aló foi que nos puxemos a traballar. Queremos compartir con todos e todas vós a experiencia de crear por primeira vez unhas réplicas en impresión 3D de produtos de alimentación para unha obra teatral. Continue reading →

O PLA, o noso material de impresión, polímero biodegradábel procedente de recursos vexetais

Ante as dúbidas lóxicas levantadas sobre o uso de plásticos, como nocivas e prexudiciais para o medio ambiente, cómpre facer un post no noso blogue para aclarar a orixe e as características do PLA, o material que empregamos no noso traballo.

O ácido poli-láctico (PLA) é un polímero biodegradável derivado do ácido láctico. É un material altamente versátil que está feito a partir de recursos renovables 100%, como millo, a remolacha sacarina, o trigo e outros produtos ricos en amidón. Este ácido ten moitas características equivalentes e aínda mellores que moitos plásticos derivados do petróleo, o que o fai eficaz para unha gran variedade de usos. Continue reading →

Triunfou nos 70 nas barberías e agora revive como ingrediente para fixar as impresións en 3D. “É un produto de culto”, din os seus novos fans.

«É a mellor para isto e a que máis consistencia dá». Dino sobre unha laca, pero non se refiren a un peiteado, a un cardado, á conservación dun moldeado para unha voda e a sesión bailonga posterior. É sobre como funciona a laca Nelly á hora de imprimir en 3D. Un nicho de mercado inesperado para este laboratorio de Valencia que presume de ser o líder en fixación capilar e, agora tamén, en fixación da primeira capa de impresión 3D en superficie de cristal. Hai outros produtos, pero o aceno de identidade do maker de verdade é usar Nelly Classic.
Continue reading →